| 勝叔-爸爸的細佬
男人中的男人,有型,有責任感,勇敢,正義,真誠,和藹可親 剛剛從媽媽口中得知你離去的消息,心裡很難過,更難過的是我不能出席你既生命畢業典禮,
在英國讀書呢2年,我錯過很多朋友婚禮同BB既出世,但更怕回去既一天,見不到我喜歡的人,
日常生活中很小提起你,但你做人的態度,深深印在我腦海裡,每次回到家鄉一定見到你遠遠的迎接,離開的時候也是一定要送別的
你令我覺得大陸並不可怕,極之親切的你令我感到親情是無價的,現在腦裡仍然聽到你既聲音,
你會叫我"阿妹",所有叔叔同叔叔既太太都會叫敏華,你會叫哥哥做子榮,點解你會叫我如同爸爸一樣,我只不過每年大時大節先去探你們,你令我感到一點也不陌生
我在大廳瞓著既時候,你會叫我
"阿妹,入房瞓唔好冷親"
當我第一次黎英國既時候,你同我講
"阿妹,有時間就返黎探奶奶同我地"
當奶奶過身之前的時候,你同我講
"阿妹,你為奶奶祈禱,叫天父唔好帶走佢."
當奶奶過身之後,你問我
"阿妹,你既上帝點解要帶走奶奶?"
我回答
"奶奶已經好叻,完成了今生的使命,佢攰了,讓她走吧”
當奶奶舉行哀悼典禮的時候,我大哭了一場,你同我講
"奶奶是好人,佢會上天堂,你們會再見”
當我第二次黎英國既時候,你同我講
"阿妹,有時間就返唔好因為奶奶唔係度,你就唔返黎探我地"
謝謝你,可愛的勝叔, 我永遠都記得我們是一家人.
我想講一個係我心裡面既秘密,
我覺得你好有型,高高既個子,早起40歲之前既你,沒有大肚籃,
如果你係香港一定係MODEL, 似陳豪
沒有想過你會突然離開,點解唔等埋我,我都未嫁得出!!
有一個好幸福的家庭,又靚又叻既老婆(嬸嬸),好聰明既仔仔(子傑),
唔需要好有錢同成就,生活得好快樂好幸福.
我唔知將來會怎樣,我們會不會在未日或新世界再遇上,
但你已教識了我很多東西,你好叻,多謝你,
我會祈禱,願天父上帝保護同照顧嬸嬸和子傑,
也求天父俾個重聚既機會給我們一家人
愛你的敏華敬上 |
